Bilboko Aireportuko Ibilbideen Garapen Batzordeak hogeita hamar bat bilera egingo ditu CONNECTen, nazioarteko konektibitatearen ekitaldi handienetako bat

Datorren astean, otsailaren 23tik 25era, CONNECT Route Development Forum-en 18. edizioa ospatuko da, nazioarteko konektibitatearen ekitaldi handienetako bat, Tamperen (Finlandia). Bilboko Aireportuko Ibilbideen Garapen Batzordeak hogeita hamar bilera inguru ditu programatuta airelineekin, aireportuekin eta sektoreko beste eragile batzuekin.

Abiazio-industriaren hitzordu ospetsu honek hegazkingintza berreskuratzeko prozesua bultzatzen lagundu nahi du. Connectek sektoreko funtsezko pertsonak bilduko ditu egungo eta etorkizuneko hegazkingintzako gaiak eztabaidatzeko, aurrez aurreko elkarrizketetan, diskurtsoetan, sektoreko mintegietan eta mahai-inguruetan.

«Pozik gaude Tampererekin lan egiteaz, gure partehartzaile guztientzat oso berezia den neguko ekitaldi tematiko bat eskaintzeko. COVID-19aren inpaktu suntsitzailearen ondoren, sareak sortzeko eta sektorea berreraikitzeko plataforma paregabea eskaintzen du gure foroak. Aurreikusita dago 600 hegazkin-konpainia, aireportu eta turismo-arloko erabakiak hartzeko arduradun baino gehiago biltzea, aire-garraioaren egungo eta etorkizuneko loturei buruz eztabaidatzeko. Inoiz baino gehiago, pandemiak agerian utzi du giza kontaktuaren beharra eta gertaera fisikoen balioa. Desiratzen gaude sektorea berriro biltzeko CONNECT espirituarekin, adierazi du Karin Butot CONNECT Ibilbideen Garapenerako Foroko zuzendari nagusiak.

17/02/2022