Bilbao Bizkaiak tokiko produktuen erosketa sustatzen du, Loiuko aireportuan, lurraldea bisitatzen dutenen artean

Bilbao Bizkaia Action Groupek kanpaina bat hasi du zenbait euskarritan Bizkaiko produktuak aurkezteko, hala nola txakolina, karolina eta antxoa, aireportuko helduera- eta irteera-eremuetako leku estrategikoetan. Kanpaina hori Bizkaiko Foru Aldundia arloko eragileekin batera Bilbao Bizkaia Action Group-en bidez turistek bisitaldian erosketak egin ditzaten sustatzeko egiten ari den jardueretako bat da. Gainera, jarduera horien artean daude shoppinga ez besterik egiteko hartzaileen eta influencer-en bidaiak, gai hori helmugako marketin digitaleko kanpainetan sartzea edo merkataritza-sektoreko eragileekin lan-topaketa bat egitea, enpresa bultzatzaileak BBAG proiektura atxikitzeko eta produktua hobetzeko.

Bilbao Bizkaiak kanpaina bat hasi du gaur Loiuko aireportuan, lurraldea bisitatzen dutenek hemengo produktuak eros ditzaten sustatzeko. Horretarako, hainbat sorkuntza-lan jarri dituzte zenbait euskarritan, produktu horiek erakargarri erakusteko (txakolina, txapela, karolina, zesta-punta, antxoa, artisautzako produktu tradizionalak…), ondoan QR kodea dutela, produktuei eta salgai dauden dendei buruzko informazioa deskargatu ahal izango. Ekimen hau Bilbao Bizkaia Action Group (BBAG) bidaiariek beren bisitaldian erosketak egin ditzaten sustatzeko egiten ari den ekintzetako bat da.

Gaur hasi den kanpainaren barruan informazio-panelak ezarri dira, paperezkoak eta digitalak, eta bideoak daude ikusgai aireportuko leku estrategikoetan, hala nola ekipajeak jasotzeko aretoetan eta kafetegian, eta biniloak jarri dira taxietara iristeko ateetan eta terminaleko irteera-ateetan. Materialok helduera- zein irteera-eremuetan jarri dira.

Horrela, BBAGk osatu egiten du dagoeneko garatu eta agerkari espezifiko batean hezurmamitutako beste proiektu bat, «paregabeko erosketei» buruzkoa, eta, horri esker, proiektu hori ikusgai jartzen da lurraldera hegazkinez iristen direnen artean.

Kanpaina hil honetan eta urrian izango da. Aldi berean, kruzeroak iristen diren terminalean ere egingo da, non euskarri finko bat jarriko baita eta liburuxka banatuko baita anezketan, lurraldea euren kabuz bisitatzen dutenek informazio nahikoa izan dezaten egonaldian erosketak egiteko.