Ibilbide Batzordearen balantze bikaina FITURen

Bilboko Aireportuko Ibilbideen Batzordea etengabe ari da lanean lurraldearen konektagarritsasuna nazioan eta nazioartean indartzen jarrai dadin. Urteko lehen hitzordu nagusia FITUR izan da, turismoaren azoka liderra. “Erakustoki propioa duten konpainietara hurbiltzeko aukera paregabea da, gertukoenak eta garrantzitsuenetakoak direnak. Baina nazioarteko airelineekin eta industria honetako beste eragile batzuekin ere elkarreraginean aritzeko aprobetxatu dugu”, adierazi dute Batzordeko iturriek.

Sendogarri onuragarria

Madrilen egin dituzten bilerei esker, Bilbo-Bizkaia eta Iberia, Vueling eta Volotea bezalako airelineen arteko harremana indartu daiteke. 2023an Eurowings, Lufthansa, Edelweiss Air eta Turkish Airlines konpainiekin egindako nazioarteko eragiketak ere baieztatu dira, besteak beste.

Bestalde, Aenako Aireportuetako Marketin Departamentuarekin izandako topaketa ere onuragarria izan da. “Ibilbideak garatzeko orduan laguntzen gaituen taldea da. Beti bezala, parte hartzaileak eta benetan interesatuak agertu ziren hegazkin-konpainiei informazioa emateko orduan euskarri izateko”, azpimarratu dute. Besteak beste, iazko balantzea egin dute, denboraldi berriaren perspektibak aztertu dituzte eta estrategia bateratuak berretsi dituzte.

Hurrengo geltokia, Tanger

CONNECT Route Development Forum izango da hurrengo ekitaldi garrantzitsua Ibilbide Batzordearen agendan, garrantzitsua baita Bilbo-Bizkaiarako konektibitate- eta eraginkortasun-proiektu berriak finkatzeko. Ekitaldia otsailaren 22an izango da, Tangerren. Airelinea, aireportu eta ordezkaritza turistikoen artean sektoreko ia 400 agente elkartuko dira sektorearen etorkizuna finkatu eta bultzatzeko.