Ibilbide Batzordeak 30 bilera programatu ditu aireportu eta airelineekin Routes Europen

Datorren neguan eta 2024an konexio berriak bultzatzeko asmoz, Bilboko Aireportuko Ibilbideen Batzordeak 30 bilera burutuko ditu aire-sektoreko agente garrantzitsuenetako batzuekin, maiatzaren 9tik 11ra Poloniako Łódź hirian egingo den Europako konektibitatearen ekitaldi handian.

Besteak beste, Vueling Airlines, Finnair eta Norwegian konpainietako arduradunekin izango dira lehen jardunaldian, maiatzaren 9an. Hurrengo egunean, Batzordearen agendan bilera gehien egingo dira, besteak beste, Australian Airlines, Air Baltic Corporation AS, Lufthansa Group edo SAS Scandinavian Airlinesekin. Ekitaldia amaitzen den egunean, ostegunean, hilak 11, azken saioak izango dira Tus Airways, Easyjet edo Widerøe enpresetako agenteekin.

Ibilbideen Batzordeak lankidetza bikaina aurreikusten du hegazkingintzaren sektoreko ordezkaritza eta konpainien artean, eta baikor egiten dio aurre helmuga berriak sartzeko erronkari.