Ibilbide Batzordeak Bilbo-Bizkaia konektibitatea indartuko du CONNECTen

Bilboko Aireportuko Ibilbideen Batzordeak otsailaren 22an, asteazkena, Tangerren egingo den CONNECT Route Development Forumean parte hartzeko ezarri dituen helburuak honako hauek dira: funtsezko ibilbideak sustatzea, lurraldearen konektibitaterako helmuga interesgarriak txertatzea eta dauden konexioak mantentzea.

Paris, Amsterdam, Londres edo Erroma dira indartzen saiatuko diren funtsezko loturetako batzuk. Airelineekin tratatu daitezkeen beste helmuga batzuk Stockholm, Edinburgo, Berlin edo Budapest dira, baita Lyon, Marseilla, Reykjavik edo Billund ere, 2024rako konexio berriak ereinez.

Hiru jardunaldi gogor hauetan zehar, Ibilbideen Batzordeak 30 bilera ditu aurreikusita airelinea eta aireportuekin, abiazioaren sektorearen etorkizunean aurrerapauso bat emateko proiektu operatibo eta konektibitate berriak finkatzeko.

Nazioarteko foro handi honek hainbat airelinea, aireportu, ordezkaritza turistiko eta sektoreko beste eragile batzuk biltzen ditu, ibilbide berriak garatzeko eta hegazkingintzaren etorkizunari begira estrategiak finkatzeko. Bilbo-Bizkaia konektibitatea bultzatzeko ezinbesteko topaketa da.

425 airelinea, 60 herrialde

60 herrialde baino gehiagoko 425 airelinea hartuko ditu Tangerrek, sare profesionala berreraikitzeko eta hedatzeko prozesuan laguntzeko. Ordezkaritzek beste agintaritza sektorial batzuk ezagutzeko aukera izango dute, haiekin lankidetzan aritzeko eta laguntza orokorreko komunitate bat sortzeko.